R.I.P 6.10.2012-18.3.2013 Captain Zerste Biudli mit dim Beschützer... Jonathan Mi aueriliebst chli Captain… Am 12.12.2012 si dr Jonathan u i di uf St.Galle cho abhole…Mir heinis riesig gfreut überdi udr Jonathan bsungers wöu du sis persönleche Meeri bisch worde näbst am Pumba….Mir si hei gfahre u hei di i dis neue Paradis gla. Leider bisch du nid gad Härzlech empfange worde aber miter Zit heisech du aui Fründlech vorgsteut bider… Dr Pumba het immer guet zueder gluegt u di am afang feiechli verteidigt… Du heschdi sofort puduwou gfüeut u bisch mega umenang ghüpft… Leider isch aune zimlech schnäu ufgfaue das du zimlech chli bisch u du bisch liebevou dr chli Pfupf gnennt worde… Miter Zit hetmi dünkt, du sigisch chli Trurig gsi…Hesch immer so trurig dri gluegt u hesch dis eigete Plätzli gsuecht u hesch nid unbedingt mite angere wöue Spile…. Afangs Jahr hetmi du geng wie meh komisch dünkt das du nie schwerer bisch worde nämlech so um die 300-350g….Gfrässä hesch geng wiene grosse u heschders nid öbe la nä z Beste vom Beste usezueche…Schnäderfrässig bisch de ono gsi uf aus ueche. Liebe Captain wo i das schreckleche SmS vom Jonathan ha übercho am Fritig dr 15.3.2013 hani dänkt…Schnäu eifach schnäu wäg vom Schaffe, ab hei u sofort luege…Dr Jonathan het mir nämlech gschribe das dir äuä gaaar nid guet geit…Du höcklisch da wienes hüfeli eländ u düegschdi nümme so guet bewege…. I söu de o dis Füdli a luege da sigi äuä öbis gaaar nid guet… I bi ufem schnäuste Wäg hei düset u bi zuedercho…I ha schrecklechs endeckt u mir si fasch Tränä cho…. I ha mit schrecke festgsteut….Och du schande das gseht gaaar nid guet us… Das Füdli isch ja enzündet u nass…. Du bisch scho föllig gschwächt gsi…I ha es Foto gmacht u das ar Anna wie o speter er Nadine gschickt zum Frage was ächt das sigi…D Anna hetmer du gseit i söug sofort am Tierarzt a lüte sigi sehrwarschinech öbis miter Blase…O d Nadine het das vermuetet…. I ha scho den nüd guets gaahnt….Mit zitrige Händ hani am Tierliarzt a glüte u si hetmer du gseit dasi am 16.3.2013 am 10.3o Uhr i Praxis söu cho…I ha leider müesse schaffe u so isch dr Jonathan miter zum Dokter. Bim Schaffe am Samstig si miner Gedanke nur bi dir gsi…. I ha Angst gah, hamer vorwürf gmacht…Wiso, werum, hetmes nid scho vorhär chöne gse? Au das ischmer düre Chopf… Wo dr Jonathan miter bim Dokter isch gsi hei mir zämä Telefoniert u mir hei schnäu schnäu chöne Besprächä wis afa witer geit….Du bisch när hei cho u hesch wieder chli chöne umeloufe…. Woni bi hei cho hetmer di Zuestand so leid u so weh da….. Diagnose isch gsi….E (zugrosse für dis Auter) Blasestei obe im Becki….Zudäm bisch du mit 220gramm viuuu z liecht gsi…Aber o das heimer nid chöne merke wöu ja du immer sone chline liechte bisch gsi u vor däm Vorfau putzmuter bisch gsi sprich fit u gfräsig…. Dr Jonathan het für di CC mit hei übercho u so hets gheisse 5 mau im Tag dir z ässä gä….Dä Gedanke dra das du äuä so derartigi schmärze muesch ha hetmer fasch z Härz zerrisse….Eigentlech hani am Samstig no schnäu öbis wöue ga i choufe..Aber i ha nümme vo dire Site wöue wiche…. Wo dr Jonathan isch heicho am Abe vom schaffe…Heimer gseit so ab eis ga zieh…Mir müese e chüele Chopf übercho….Nach etliche länge Mails miter Anna wie o ar Nadine isch mi Chopf vouer Gedanke gsi…Wie witer was machemer… Es het 2 Müglechkeite gä…Entweder la Operiere…oder Ischläfe…. Dr Jonathan isch dr Meinig gsi…Operiere er het e Chance verdient…Mir weine u chöiine nid eifach so laga… Jedoch isch mini Meinig gsi…Er isch scho immer sooo chli gsi u gar nie richtig gwachse….Er het nie richtig zuegno…Isch immer so chli e Einzugänger gsi…U iz mueser soooo lide… När no e Operation wone sowiso schwecht u ner när glich nid dürechunt…Nei i wettim das nid a due…. Liebe Captain am Samstig si i udr Jonathan uf ke Nenner cho….Viuuuu Gsprächli heimer gfüert u es het üs beidne fasch z Härz zerrisse…. Am Sunntig woni ufgstange bi isch mi erst Gang zu dir gsi…. U i ha gseh…oooo nei mim arme Huscheli geits no einisch schlechter….Darf nid war si…Wiso nur mi chli Pfupf….Es het mir sooo leid da di so müesse z gse…. Dr Jonathan isch när a Streethockey Match u i bi allei mit dir gsi…Dr ganz Tag hani TV gluegt…Ke Minute bini vo dir gwiche…Ha immer glosst öbde Pipsisch oder schmärze hesch….Für mi isch klar gsi….dasi di uf ke fau no meh wett la lide… Am Abe isch dis Herrchen hei cho u i ha gseit…So iz sötemer e lösig ha für morn…. Mir hei di a gluegt u de het o dr Jontahn gmeint…. Es isch besser di la z ga…Es bringt nüd….So schlächt wie du zwäg bisch gsi…U gloubmer little Captain…Dä entscheid het üs beidi unwarschinlech trurig gmacht….d Verzwiflig isch gross gsi….Gottseidank heimer so liebi u nätti Wort gfunge bir Anna u ar Nadine…Am Abe hei du mir 2 TV gluegt u i bi fasch jedi Minute zueder az Gheg cho luege …..Ha miter Blöiderlet u di Gstrichelet… Es isch dir sichtlech geng wie schlechter gange…. Am ca 20.00 isch de öbis faszinierenz passiert…. Dr Sydney wo di eigentlech immer chli plaget het u di äuä nid soooo gärn het gha ;-) isch gaaanz dicht adi härä glägä….. Woni az Gehg bi cho het Sydney chli ufgluegt u de wieder dr Chopf gsänkt u isch näbdi cho lige…U o weni när wieder bi cho hetersech nid la Irre u isch näbder blibe lige….Das bis u mit am 22.00 Uhr…. Da hani zum Jontahn gseit….Schatz i dänke nid wo dr chli Captain die Nacht überläbt…I dänkes nid….Wo de ono Pumba zueder isch cho lige us absolut ruhig isch worde im Gehg hani dänkt….Das isch iz dr abschid…. Kene isch meh im Gehg umeglüffe….Iri gliebte Pelets heisi o nümme wöue…. Kenne vo aune het no öbis z Frässä wöue…aui si bider gsi u hei dir zeigt…Mir si fürdi da… I bi du am 23.00 Uhr ufgstande u bi zuedercho u ha gseit : Mi chli Schatz…I ga iz iz Bettli i bi tot müed… I ha morn Geburtstag u aus woni mir wünsche isch…Das du nümme muesch lide…. Dases dir egau wo härä du spatziersch guet geit….Wie du mi verstande hättisch hesch du mi a gluegt u so wie gnikt… De hani witer gret u du hesch dr Chopf gsänkt u d Ouge zueda..…. I wünsche dir vo Härze aus liebe u guete u gaaanz e gueti Nacht….Nie im Läbä wirdi di, mi chli vergässä…. Merci viu viu mau für die wunderschöni Zit mit dir Merci für die vile lute Piiips wo du abgä hesch….Merci viu viu mau für aus…I wirde di für immer i mim Härze ha… Du hesch üs so schöni u lustigi Stunde gschänkt…I bi dir für aus unäntlech dankbar… I hane e ganz längi Zit no gstrichelet u hami chum chöne verabschide vonim…Den i has gspürt….Dases z letschde mau wird si woni ihn ha chöne berüere…U de bini iz Bett….I hamers gwünscht das er erlösst wird u mir a mim Geburi ke entscheid meh müesse fäue…. Am 18.3.2013 bini ufgstande den i ha müese ga schaffe…I bi iz Wohnzimmer…Ha z liecht gmacht u da hani scho gseh…O neiii mi chli Captain uf der Site am „schlafe“…. Mi chli Goudschatz i bi im Türrame blibe sta u ha gseh…Du schlafsch u du hesch so schön gschlafe…u i ha gwüsst…. Du bisch nümme unger üs….Du heschdi ufe Wäg gmacht für i Tierrihimu… Mir si nur no Tränä abeglüffe….Ungloublech weh hets mir da…. No iz duetsmer ungloublech weh u Tränä kulere nur so abe…. I vermisse di ungloublech fest…Woni di regigslos im Gehg ha gseh lige isch für mi e Wäut zämä broche u glich….Mi Wunsch für mi Geburi isch i erfüllig gange…. I ha du der Jonathan informiert…Ha dir Tschüssli gseit u bi ga schaffe….. Es isch e schlimme afang gsi für i mi Geburi… Mi chli du wirsch morn am 20.3.2013 liebevou Einzukremiert. Das hetsech dr Jonathan so gwünscht…u i bi o derfür….Den du söusch wieder zu üs heicho…I di warmi Stube zude angere 3…. Für immer wärde mir di i üsem Härze trage…. I wirde jede Geburi fest dra dänke das du bisch gange…u i es witers Jahr gschänkt ha übercho…… I Vermisse di ungloublech fest…. Bitte liebe Captain seisch mine liebste Tierli wo iz o bi dir si e liebe Gruess… Am liebe Chlungeli (Hamster) am liebe Zorro (Hung) u am liebe Tigi (Chatz) Si si i mire Chindheit sehr wichtig gsi…o hüt dänki no seeehr viu a si…. Wese trifsch seischne dasise no immer fest i mim Härze ha u sehhhr oft ase dänke… Für immer i üsem Härze… Andrina und Jonathan
